UDALEKU TEKNOLOGIKOAK
kudeatzailea2024-05-06T08:32:01+01:00Lehen Batxilergoko ikasleak sustatutako ‘Hackin&Ekin’ tailer teknologikoak martxan jartzera goaz! Jakintza Ikastolako LH5 eta LH6ko haurrentzat zuzenduta egongo da. Udalekuak aurrera ateratzeko kastolako instalazioak eta teknologiako gelan dauden tresna eta makinak erabiliko ditugu. Adin askotariko haurrak teknologia jarduera erakargarriekin erlazionatzea da helburua; uda garaiari modu dibertigarrian hasiera emateko helburuarekin. Ekainak 24tik 28ra izango dira, egunero 09:00etatik-13:00etara. Web orria: https://hackinekin.wordpress.com/ Izena emateko galdetegia: (izen-emate epea maiatzaren 17an amaituko da!) https://docs.google.com/forms/d/e/1FAIpQLSelBuFZ6Ef9589erLnQLGRVCn873GIb9rmZj4enRrW3El0OZg/viewform Bideoa: Udalekuko jarduerak
MAIATZEKO MENUA (2024)
kudeatzailea2024-04-30T11:12:28+01:00Maiatzerako ere gure jangelako kideek menu oso eta orekatua prestatu digute! On egin! Ikusteko: Maiatzeko menua Jangela eta zerbitzu guztien inguruko informazio guztia ikusteko, joan zaitez zerbitzuen inguruan dugun orrira: Zerbitzuak
[ARGAZKI GALERIA] 3 urtekoak sukaldari lanetan
kudeatzailea2024-04-26T08:59:34+01:00Jakina da Euskal Herrian sukaldari bikainak ditugula baina gure 3 urteko haurren parekorik ez dago! Duela egun batzuk gailetak prestatu zituzten eta oraingoan paniniak. A zer nolako gozatua hartu duten!! ON EGIN!!!
LIBURUAREN NAZIOARTEKO EGUNA
kudeatzailea2024-04-23T08:31:48+01:00Gaur, apirilak 23, Liburuaren nazioarteko eguna dugu, eta horren harira Jakintzako HIZPRO taldean euskal literaturaz gozatzeko baliabideen biltegi bat sortu dugu ikastolako komunitate osoarentzako. Webgune edota iturri gehiago ezagutzen badituzue, eskertuko genizueke guri adieraztea; horrela, denon artean biltegi osatuagoa eta aberatsagoa lortuko genuke. Egin klik hemen biltegian sartzeko. Gure literaturaz goza dezazuela! Bestalde, Jakintza ikastolan irakurketa sustatzeko konpromezua dugulako horixe da bideo honen bidez Batxilergo 1.mailako ikasleek helarazi nahi izan digutena. Aurtengo Liburuaren Nazioarteko Egunaren lema Guk irakurtzen dugu, eta zuk? Aitzakiarik ez duzu!!
Erasmuseko bosgarren eguna
kudeatzailea2024-04-19T09:21:43+01:00Azken egunak ari zaizkigu iristen gure bidaian. Gaur goizean gure ikasleak antzerki klase batzuetara gonbidatu dituzte beren talentua erakusteko. Beranduago autobus bat hartu eta aire libreko museo batetara joan gara. Bertan glaziazio ondorengo lehen zibilizazioek harrietan egindako arrastoak ikusteko mendi buelta bat egin dugu. Arratsalderako, gure ikasleek afaria prestatzeko ardura hartu dute. Patata tortila batzuk egin dituzte Norvegiarrentzat. Asko gustatu zaizkie. Bihar Ordizira bueltatzeko eguna. Laister berriro bueltan gara!
Norvegiako laugarren eguna
kudeatzailea2024-04-18T08:14:19+01:00Badoa aurrera astea. Gaurkoan, goizean gure ikasleak jarduera fisiko pixkat egitera joan dira. Ondoren bazkaltzeko bertan ezkontza eta egun berezietan jaten den plater bat eman digute probatzeko. Norvegiar ikastetxeko sukaldaritza ikasleek egindakoa. Postre moduan karamelo puding bat. Guztia oso goxoa. Sukaldariei txaloak jo dizkiegu beraien lanagatik eta handik beste gela batetara eraman gaituzte proiektuari buruzko lan bat egitera. Ikasle guztiak nahastu eta lan saio bat egin dugu. Arratsaldean ikasleak berriro ere Trondheimera joan dira hango jatetxe xelebre batetara. Dorre handi bat eta puntan jatetxea, birak ematen ditu 360°tan eta handik Trondjeim osoa ikusi daiteke. Pizza buffetaz gozatu eta berriro etxera. [...]
Norvegiako hirugarren eguna
kudeatzailea2024-04-23T16:14:28+01:00Gaur Norvegiako bidaiako hirugarren eguna da. Goizean, gure ikasleak gaztelaniako klaseetara joan dira ikasle norvegiarrekin batera solasaldi batean parte hartzeko. Ondoren, Trondheimera joan gara, eta, bertan, erdi-aroko Sverre erregearen gazteluaren arrastoak ikusi ditugu: vikingoak kristautasunarekin elkarbizitzan zeuden garaia. Bazkal ondoren, Trondheim hirian gora eta behera ibili gara koloretako etxe, bizikleta eta auto elektriko artean. Hiri polita eta lasaia, benetan! Berriz bueltatzeko modukoa!
Erasmus+ Norvegian, bigarren eguna
kudeatzailea2024-04-16T14:46:41+01:00Norvegia aldean jarraitzen dugu gure abenturan. Goizean heziketa fisikoko klase baten ondoren, naturara irteeratxo bat egin dugu. Bertan ikasleek sua egiteko dituzten abileziak erakutsi dituzte. Konkisera joaten badira nahiko lan izango dute zerbait beroa jateko... Sua eginda gero bertan saltxitxa batzuk berotu eta talo batean bilduta jan ditugu ketxup pixka batekin. Iluntzean ikasle guztiek afaria izan dute eta bihar Trondheim hiria ezagutzeko parada izango dugu.
Apirilaren 14an goizeko bostetan eman diogu hasiera aurtengo Erasmus+ irteerari
kudeatzailea2024-04-15T10:09:44+01:00Apirilaren 14an goizeko bostetan eman diogu hasiera aurtengo Erasmus+ irteerari. Batxilergoko lehen mailako 15 neska mutil ikusioz beteta Norvegiara etorri dira egun batzuk pasatzera. Ordiziako 30°ak atzean utzi eta 5°ko maximoetan Trondheim ondoko Melhus izeneko herri txiki batetara etorri dira. Lehioetatik mendiak elurtuta ikusten dira eta zuhaitz artean etxe txiki gorrixkak zabalduta. Aste honetan kirol eta mendi irteerak, Vikingo eta bertako kultura ezagutzeko museoak eta Norvegiar gastronomia dastatzeko aukera izango dute. Jarrera jatorrean, ilusioz beteta eta Norvegiarrekin partaidetzan primeran ari dira gure ikasleak. Beste bost egun aurretik hainbat bizipen eta abentura bereganatzeko.
