kudeatzailea

Lan poltsan izena emateko epea zabaldu dugu. Irudian klik egin eta formularioa bete!

Atzo bertan jaso genuen 2022-2023 ikasturteko egutegiaren onarpenaren jakinarazpena. HEDATZE izeneko proiektua onartu zaigula adierazi digutenez, DBHko maila guztiek jardunaldi jarraia izango dute ikasturte osoan zehar. Horretaz gain, ikasturte honetan, Haur eta Lehen Hezkuntzako egutegiak eta DBHkoak desberdinak izango dira, desberdintasunak baitituzte bai hasieran bai amaieran. HH-LH Irailaren 12an, goizeko 09:00etan hasiko dira. DBH-Batxilergoa Irailaren 8an, goizeko 12:30ean, ikasturtearen aurkezpena. Jarraian, egutegiak eta hauen xehetasun guztiak. Opor onak izan ditzazuela! HH-LH [pdfjs-viewer url="https://jakintza.eus/wp-content/uploads/Egutegia-HH-LH_EUS.pdf" attachment_id="14234" viewer_width=100% viewer_height=400px fullscreen=true download=true print=true] DBH-Batxilergoa [pdfjs-viewer url="https://jakintza.eus/wp-content/uploads/Egutegia-BH_EUS.pdf" attachment_id="14235" viewer_width=100% viewer_height=400px fullscreen=true download=true print=true] Ayer mismo recibimos la notificación de la aprobación del calendario del curso 2022-2023. [...]

Ekainaren 24an eginiko TANTA txartelen zozketan 64.366 zenbakiari egokitu zitzaion 60.000 euroren saria. Pasaia-Lezo Lizeoa ikastolak banatu du zenbaki sariduna, eta jabeak hilabete bateko epea izango du saria eskatzeko. Andres Urrutia notarioaren aurrean egin zen zozketa, eta ordezko zenbaki bat ere atera zen. Lehenbizikoaren jabea agertuko ez balitz, saria eramango duen zenbakia hauxe da: 15.736, Bilboko Kirikiño ikastolak banaturikoa. Zenbaki honen jabeak ere beste hilabete bateko epea izango du saria eskatzeko, lehenbiziko zenbakiaren jabeari epea iraungitzen zaionetik aurrera. Beraz, gure ikastolak banatutako zenbakiak saririk gabe geratu dira, baina Euskal Herriko berezko hezkuntza proiektuaren aldeko elkartasun ekimen honetan parte hartu dugunez, gu [...]

Bizitza konpartitzea da… gaur ikasleek egindako agurrean argi geratu den bezala. Zenbat gauza konpartitu ditugun zurekin gurekin egin dituzun 30 urte hauetan: mahaiak, aulkiak, komuneko paperak, fotokopiak, zaborrak… Baina baita zure bertsoak, zure irribarra, zure gizatasuna, zure begirunea... Zenbat erakutsi diguzun! Ikastolari eman diozun guztia eskertzeko modurik ez badago ere, espero dugu eskainitako omenaldi xumea gustatu izana. Antzemango dugu zure hutsunea gure eguneroko jardunean. Jakin ikastolako ateak beti edukiko dituzula irekita. Mila esker Nikolas guztiagatik!

4.mailan burutu dugun azken proiektua bizidunen bizi-zikloa izan da. Landareekin hasita, hazitegia jarri genuen martxan. Animalien bizi-zikloa aurrez-aurre ikusteko ernaldutako arrautzak inkubagailu batean jarri genituen eta 15 txita jaio ziren, a zer arrakasta! Azkenik, Goazen Ordiziako partaideei ikuskizun paregabea eskaini genien, gizakiaren bizi-zikloari keinu bat eginez eta haiei omenaldia, primeran pasa genuen! Proiektu honetan, gure ikasleek asko ikasteaz gain, ikaragarri disfrutatu dute. Horren lekuko, jarraian ikus dezakezuen bideotxoa, ea guk bezain beste gozatzen duzuen! [tvideo type="youtube" clip_id="c_0zQoZlvMI"] “Gu sortu ginen enbor beretik sortuko dira besteak”

Bi urte luze hauen ondoren, berriro ospatu ahal izan dugu gure Ikastolaren Eguna. Aurten, inoizko tenperaturarik altuenarekin ospatzea tokatu bazaigu ere, gogotsu heldu diogu festari eta ederki moldatu gara prestatutako ekintzekin. Udaletxeko balkoitik Larraitz Garmendia Zuzendariak luzatutako mezuarekin eta, jarraian, botatako txupinazoarekin hasiera eman diogu festari. Plaza Nagusian arnasten zen giroarekin garbi zegoen jendea gogotsu zebilela eta egun polit bat biziko genuela. Berehala hasi da Haur Hezkuntzakoen "Ordiziako Festak" izeneko emanaldia. Ia Larizek antolatuko lituzkeen Jaien parekoak antolatu dituzte: Mozorro Festa (2 urtekoak), Aurreskua eta Txikien Koadrilen Eguna (3 urtekoak), Ordiziako Danborrada eta Ordiziako Klasikoa (4 urtekoak) eta Matutina erraldoia (era [...]

Ekainaren 17a, ostirala 17:00etatik aurrera Plazara, Euskara plazara! Euskaldun irakasle eta ikasleok, dantzara! Plazara, dantzara! Geure herriaren geroa bait gara! IKASTOLA, GORA GURE IKASTOLA KANTATZEN DIOGU IKASTOLARI IKASTOLA, GORA GURE IKASTOLA KANTA DEZAGUN DENOK [pdfjs-viewer url="https://jakintza.eus/wp-content/uploads/Ikastolaren-Eguna-2022_Euskaraz.pdf" attachment_id="14195" viewer_width=100% viewer_height=800px fullscreen=true download=true print=true] [button size="large" align="center" full="true" link="https://jakintza.eus/wp-content/uploads/Ikastolaren-Eguna-2022_Euskaraz.pdf"  linkTarget="_blank" icon="download"] EGITARAUA DESKARGATU[/button]

Joan den ostiralean banatu zituzten Ordiziako Udalak antolatutako komiki eta mikroipuin lehiaketetako sariak, eta ez ginen esku hutsik itzuli. Komiki lehiaketan Haritza Oiarzabalek irabazi du DBH1eko lehenengo saria "Leireren faborea" lanarekin, eta DBH2ko 2. saria Lizar Azurmendi Beainek "Erosketa galdua" komikiarekin. Mikroipuinetan Izar Aranburu Sampedro gailendu da DBH3 eta DBH4ko kategorian "Zer gertatu da?" ipuin hiperlaburrarekin. Batxilergoko atalean, berriz, Maddalen Otegi Alkortak eskuratu du bigarren saria. "Amesgaiztoak" izenburudun ipuintxo originala idatzi zuen Maddalenek. Atxikita duzue argazkia albistearekin batera argitaratzeko.

5 urteko ikasleak barazki-pudinak banatzen aritu dira azokan. Ekintza honekin, baserritarren lana eskertu nahi izan dute eta beraiek ekoiztutako produktuekin eta gurasoen laguntzaz barazki-pudinak prestatu dituzte eta gaur azokan zebilen jendeari eskaini dituzte. Mokadu goxo bezain osasungarri horiekin jendea harrituta utzi dute. A ze lan polita egin duzuen!!! Zorionak! [tvideo type="youtube" clip_id="kW8ZZCvn0iM"]

Aurreko ostegunean 1.eta 2.mailakoek elkarrekin Barandiaran plazan "herri kirolak" edo "jolasak" egin zituzten. Argazkiak hemen:   2.mailako ikasleek a ze abesbatza osatzen duten! Ikasturtean zehar ikasitako abestiak eskaini dizkiete HHko txikiei Miren zuzendariaren gidaritzapean. Ondorengo bideoan ikusi dezakezuen bezala, zoragarri abestu dute. ZORIONAK!! [tvideo type="youtube" clip_id="4EazuCmTEQ0"]