kudeatzailea

Gai berriari ekin diogu HHko ikasleok. Baserria gaia eta maila bakoitzak baserri munduko gauza desberdinak landuko ditugu: - 3 urtekoak animaliak, 4 urtekoak baserriko tresnak eta 5 urtekoak baratza - 2 urtekoak ipuinak landuko dituzte baino proiektun sartu gabe Eta gaur hasiera eman diogu kalejira batekin!   [tvideo type="youtube" clip_id="nmCYvt950B0"]

Aupa ekipo! LH3.mailako ikasleak Arantzan izan dira ikasturte amaierako bidaia egiten. Hemen 3 egunetan atera ditugun argazki batzuk. Ikusi daitekeen moduan oso ondo ibili dira gure gaztetxoak. AUPA ARANTZA! AUPA JAKINTZA!  

Dagoeneko,ikasturtearen amaierarako oso gutxi falta zaigu. Azken txanpari behar bezala ekiteko, jangelako arduradunek menu osasuntsu eta egokia prestatu digute. [pdfjs-viewer url="https://jakintza.eus/wp-content/uploads/2022ko-maiatzeko-menua.pdf" attachment_id="14140" viewer_width=100% viewer_height=800px fullscreen=true download=true print=true] Jaisteko [button size="medium" align="center" link="https://jakintza.eus/wp-content/uploads/2022ko-maiatzeko-menua.pdf" bgColor="#0050BF" textColor="#FFFFFF" hoverBgColor="#00659F" hoverTextColor="#FFFFFF"]Maiatzeko menua[/button] Jangela eta zerbitzu guztien inguruko informazio guztia ikusteko, joan zaitez zerbitzuen inguruan dugun orrira: [icon_link style="link" href="https://jakintza.eus/zerbitzuak/" color="orange"]Zerbitzuak[/icon_link]

Atzo Jakintza ikastolako 6.mailakoak Donostiara joan ginen ingeleseko antzerki bat ikustera: "THE AMAZING ROBIN HOOD!"  Ingelesa entzuteaz gain, gure ikasleak antzerkiaren partaide izateko aukera izan zuten ere eta ederki pasatu genuen! Hona hemen argazkitxo batzuk: Yesterday the 6th grade students from Jakintza's school went to Donosti to see a theatre in english: " THE AMAZING ROBIN HOOD". Apart from hearing the language, the students had the opportunity to participate in the play and we had a great time! Here you are some pictures of the show: Ayer los alumnos de 6º de Jakintza Ikastola fuimos a Donostia a ver un teatro [...]

Larunbatean, liburuen nazioarteko egunean, 2022ko Beasain idazlehiaketako sariak banatu zituzten Beasaingo Igartza jauregian, eta ez ginen esku hutsik itzuli. Jakintza ikastolako Urtzi Otaegik A kategoriako bertso jarrien saileko lehen saria irabazi du "Motxiladun umeak" lanarekin. Naroa Auzmendi, berriz, kategoria bereko poesiaren atalean nagusitu da "Utzi du portua itsasontziak" poemarekin. Aze maila! Pozgarria da urtez urte lan sarituen berri izatea, baina are pozgarriagoa gure idazle gazteen ilusioaren lekuko izatea. Jarrai dezatela gozatzen eta gozarazten.    

Urte luze hauek Korrikarik gabe bizi behar izan ditugu eta, gaur goizean, ilusioz gainezka atera gara herriko txoko desberdinetatik Euskararen lekukoa eramanez. Lehen Hezkuntzakoak Altamira auzoan ibili dira euskararen aldeko mezua lau haizetara zabalduz. Haur Hezkuntzakoek, berriz, alde zaharreko kaleak hartu dituzte giro paregabea sortuz eta mezu berbera argi eta garbi zabalduz. Gaur goizean bizi izandakoa hobeto ikus dezazuen, argazki bilduma eta bideoekin uzten zaituztegu. Gozatu! Hitzek hizkuntza, ekinak herria. Hitzekin ulertzen dugu hizkuntza. Beraz, ekin! Euskaraz egin. Hitzetik ekintzara salto, hitz egin eta ekin. Orain da 22. tantoa egiteko unea, partida irabazi behar da euskaraz eginez, eraginez eta eginaraziz, nork [...]

Gaur arratsaldean 22. Korrika Ordiziatik pasako dela eta, goizean BHkoek Korrikarekin lotutako dantzaldia eskaini dute Majori kiroldegian. Ikuskizunaren amaieran, gainera, Pirritx eta Porrotx izan ditugu bisitan. Bertso eta dantzen bidez omendu ditugu 34 urteko ibilbidea egin duten pailazoak. Umore pixkat batekin eman diogu bukaera ekitaldiari. Tipi-tapa tipi-tapa KORRIKA!

Azken aldian jubilazioz-jubilazio gabiltza ikastolan. Urte asko elkarrekin pasa ondoren, oraingoan Josune Arratibeli agur esatea tokatu zaigu. Gozatu merezitako jubilazioa Josune! Agurtzeko, ikasleek bertsoak abestu dizkiote, saxoarekin “What a wonderful world” abestu diote, irakasleok agurra dantzatu diogu, “Yellow submarine” abestia moldatu eta abestu dute ikasleek, … eta denak emozionatu gara.

Egun polita pasa zuten atzo DBH4ko ikasleek. Oso entretenituta ibili ziren: mahai-jolasak, txapelketak, dantzak, etab. Gaurko emanaldirako “spoiler” txiki batzuk ere utzi dizkigute. Animatu eta gerturatu bihar kiroldegira.   [button size="large" align="center" full="true" link="https://jakintza.eus/wp-content/uploads/Video_1.mov" linkTarget="_blank"]BIDEOA 1[/button] [button size="large" align="center" full="true" link="https://jakintza.eus/wp-content/uploads/Video.mov" linkTarget="_blank"]BIDEOA 2[/button]

Ipuina, funtsezko baliabidea dugu haurren garapen integrala sustatzeko. Horregatik, gure proiektuan, egunero jorratzeaz gain, egundoko garrantzia du. Korrika Ordiziatik pasatzeko ordu batzuk besterik ez dira falta eta euskararen festa eder hau aitzaki hartuta, ikastolako txikienak kalera atera dira euskarazko ipuinak herriko txoko desberdinetan entzun daitezen. Primerako goiza pasatu dute!! [tvideo type="youtube" clip_id="xlDHcZRccCw"]