Urte berriarekin, indar berriak hartzeko, menu berria! URTE BERRI ON, DANOI!!! Ikusteko: Urtarrileko menua Jangela eta zerbitzu guztien inguruko informazio guztia ikusteko, joan zaitez zerbitzuen inguruan dugun orrira: Zerbitzuak
📍Jakintza Ikastolan 🗓️2023ko abenduaren 27-28-29 izango da. 9:30-13:00 ⚽️LH4-DBH3 urte bitartekoentzat. 💰5€ buruko. Momentuan bertan ordaindu beharko da (lehenengo egunean). 👤 6-8 pertsonako taldeak. 🎉Giro paregabea izango da bertan, musikarekin animatua! Hori gutxi ez, hamaiketakoa eta janari postua ere eskainiko dugu jokalari zein ikusleentzat. 🏆 Irabazleentzat sariak egongo dira. ANIMATU!!
Konturatzerako abendua da berriro! Negurako gorputza prestatu, eta ondo berotzeko, hona hemen abendurako prestatu dugun menua! Ikusteko: Abenduko menua Jangela eta zerbitzu guztien inguruko informazio guztia ikusteko, joan zaitez zerbitzuen inguruan dugun orrira: Zerbitzuak
Alboan gobernuz kanpoko erakundearekin batera proiektu bat aurrera eraman genuen iaz. Aurreko ikasturtean jaso genituen mugikorrak Kongoren alde eta Alboanekoak ikastolan egindakoa grabatzen egon ziren. Hona hemen emaitza.
Jakintza Ikastolan ordezkapenetarako lan-poltsak ireki ditugu. Haur Hezkuntzan, Lehen Hezkuntzan eta Bigarren Hezkuntzan eman daitezkeen ordezkapenetarako, gure lan-poltsak berritzen ari gara. EGA edo baliokidea den titulazioa izatea derrigorrezkoa da. Era berean, Derrigorrezko Bigarren Hezkuntzan eta Batxilergoan aritzeko, Irakaskuntzako Irakasleen Prestakuntza Unibertsitate Masterra izatea ere ezinbestekoa da. Irailaren 15a izango da bidaltzeko azken eguna. Gurekin lan egin nahi baduzu, ondorengo inprimakia bete beharko duzu: inprimakia
Primeran pasa genuen! Ikastolako kamiseten kolore urdinak, itsasoa balitz bezala, Ordiziako plaza estali zuen. Halako batean, olatu bareak suziriaren danbatekoarekin batera eztanda egin zuen; eta, dantza, abesti, algara eta besarkadak ez ziren soberan gure Ikastolaren Egunean. Bigarren batxilergoa amaitu berri duen Haritz Irastorzak mikrofono aurrean Ikastolaren Egunari hasierako hitzak eskaini zizkion, eta, jarraian, HH2 eta DBHO2ko ikasleek suziriak aireratu zituzten. Hasiera eta amaiera bat, Ikastola bat! Haur Hezkuntzako txikiek dantzaldia eskaini ziguten herriko Plaza Nagusian; Lehen Hezkuntzakoek, berriz, herriko Alde Zaharra, Arboleda, Barandiaran plaza eta Frontoia erronka eta jolasez alaitu zituzten. Bigarren Hezkuntzakoek haurrentzako tailerrak antolatu zituzten Plaza Nagusian, eta [...]
Kurtsoari amaiera emateko 5 urtekoak Tabakaleran, bertako "Situ-kzioak" proiektuaren baitan, "Zaldiek amesten dutena" erakusketan egon ziren jolas desberdinak egiten. Ondoren, Cristina Enea parkera joan ziren bazkaltzera eta jolastera!
Ekainaren 16an Jakintzako I. literatur lehiaketako sari banaketa egin genuen. Hauek izan ziren beran saria jaso zuten lanak: Maddi Garate ikaslearen “OROITZAPENEN NOSTALGIA” bertso-sorta Leire Rivera ikaslearen “Hegazkinak” mikroipuina Juna Sarriegi Zubeldia ikaslearen “Azken Bidaia” mikroipuina
Azken hiruhileko honetan DBH3ko ikasleak, Euskara eta Literatura ikasgaian, Ordiziako euskararen erabilera nolakoa den aztertzen aritu dira. Ondorengo bideoan, atzerritarrek gure hizkuntzarekiko duten sentipena zenbaterainokoa den ezagutzeko aukera duzue. Primerako lana!
Jakintza Ikastola Ordizia
Gernikako Pasealekua
Ordizia, Gipuzkoa 20240
943160540
943161676
Webgune honek cookieak erabiltzen ditu ahalik eta erabiltzaile-esperientziarik onena eskaintzeko. Cookieen informazioa zure nabigatzailean gordetzen da, eta hainbat funtzio betetzen ditu: gure webgunera itzultzen zarenean zu ezagutzea eta gure taldeari web orriaren zein atal iruditzen zaizkizun interesgarrienak eta erabilgarrienak ulertzen laguntzea.
Behar-beharrezkoa den cookiea une oro gordeta egon behar da, cookieak konfiguratzeko garaian zure lehentasunak gorde ahal izateko.
Cookie hau desaktibatzen baduzu, ezingo ditugu zure lehentasunak gorde. Horrek esan nahi du webgune hau bisitatzen duzun bakoitzean cookieak berriro gaitu edo desaktibatu beharko dituzula.
