Albisteak

Familia agurgarriak: Mezu honen bitartez, Ikastolak Herriari ekimenaren 3. ekitaldira gonbidatu nahi zaituztegu. Ekitaldi honetarako prestatu dugun ikuskizuna Jaso ikastolaren SUTAN musikala da, eta beraiekin batera, Iruñeko Gazte Orkestraren partaidetza ere izango dugu. Aurreko bi urteetan, ikastolen jaiak bertan behera geratu edota formatu murriztuan eskaini behar izan genituen. Horrek gure jaiak euskal kulturaren agertoki handi izatea eragotzi zigun, baina urtea hutsik utzi beharrean, ikastolen jaiek, elkarlanean, euskal artisten ikuskizunen lagin bat erakutsiko zuen ekimena antolatu zuten: Ikastolak Herriari. Aurten gure jaiak berreskuratu ditugun arren, Ikastolak Herriari ekimenari eustea erabaki dute ikastolen jaiek. Beraz, heldu den azaroaren 25ean Bilboko Campos Eliseos [...]

Atzo 4. mailako ikasleek Ordiziako azokan Sukaldaritza Tailerra egin zuten, Martinez Jatetxeko Xabi eta Saioa sukaldarien eskutik. Bertako produktuak ezagutzeaz gain, garaiean garaiko platerak ere prestatu zituzten. A ze itxura ona duten!

Ongi dakizuen bezala, urriaren 2an Kilometroak jaia izango da Ibarran. Baina aurretik, irailaren 24 eta 25ean badute beste ekitaldi bat prestatua: Piparraren Ibilbidea. Aurretik izen emate bat eskatzen du antolaketa errazte aldera. Informazio guztia hemen aurkituko duzue: https://kilometroak.eus/ekimenak/piparraren-ibilbidea eta izen ematea hemen: https://kilometroak.eus/ekitaldi-izenematea Astebururako plan desberdin eta polit bat duzue zain!