Gure balioak eta xedea
Jakintza Ikastolan hezkuntza ulertzen dugu pertsonen garapen integrala oinarri hartuta. Ikaslea da gure jardunaren erdigunea, eta haren hazkunde akademikoa, emozionala eta soziala modu orekatuan lantzen dugu.
Kalitatezko hezkuntza eskaintzea da gure xede nagusia, berrikuntzan, etengabeko hobekuntzan eta profesionaltasunean oinarritua. Ikaskuntza esanguratsua sustatzen dugu, pentsamendu kritikoa, sormena eta autonomia garatuz.
Euskara da gure hezkuntza-proiektuaren ardatza, eta euskal kultura eta identitatea bizirik mantentzeko konpromisoa dugu, mundura irekita eta errespetuzko ikuspegiarekin.
Elkarlanaren, errespetuaren eta balioetan oinarritutako heziketaren bidez, gizartearekiko konpromisoa duten pertsonak hezi nahi ditugu: arduratsuak, solidarioak eta etorkizuneko erronkei aurre egiteko prest daudenak.
Jakintza Ikastolan, hezkuntza komunitate osoarekin batera, etorkizuna eraikitzen dugu.
