Albisteak

3. ebaluaketan zehar DBHO2ko Enpresaren Ekonomiako ikasgaian, ikasleek negozio-ideia berritzaile bat garatu dute Deustoko Unibertsitateak antolatutako ESMEJUNIOR  lehiaketan parte hartuz. Aukera paregabea izan da ikasitako kontzeptuak errealitatearekin uztartu daitezkela ikusteko eta beraien ekintzailetza lantzeko. Ikasleek orokorrean lan oso onak aurkeztu zituzten eta hiru talde lehiaketako finalera iritsi ziren. Apirilaren 28an, antolatzaileek prestatutako ekitaldira bertaratu ginen eta irabazleak izendatu zituzten. Irabazi ez zuten arren, aurkeztu ziren 63 taldeetatik 10 onenen artean gelditu ziren. Harro egoteko eta zoriontzeko emaitza, zalantzarik gabe.

Apirilaren 26an Euskal Herriko Unibertsitateko Biologia Molekularreko Departamenduko eta Plentziako Itsas Estazioko (PIE) bi ikertzaile etorri zitzaizkigun; Beñat Zaldibar eta Urtzi Izagirre. Beñat eta Urtzik esperientzia zabala dute ingurumen toxikologian, eta tresna molekular eta tisularrak erabiltzen dituzte ingurumenaren osasuna aztertzeko. Bi ikertzaile hauekin DBHO1eko Biologiako ikasleek itsas-trikuen ugalketa prozesua aztertu dute ikastolako laborategian. Itsas-trikuek shock osmotiko baten aurrean gametoak (ugal zelulak) askatzen dituzte, hau da, obozitoak eta espermatozoideak. Bi zelula-mota hauek erauzi ondoren, obuluaren ernalketa eta ondoren enbrioi garapenaren lehen urratsak ikusteko aukera izan dute! Trebeziaz ibili dira gure ikasleak! Lan bikana! Laborategiko praktika hau aukera paregabea izan da [...]

Kurtsoa hasi zenetik DBHO1eko Anatomiako ikasleak Goazen Ordizia programan parte hartu dute, eta ostegun honetan, apirilak 27, izan dute azken saioa. Proiektu hori Ordiziako udalak bultzatzen du, eta herriko hainbat eragilek (Ordizia kolore, Kimetz, Garagunea, Zuhaizti eta Lagunkiro) eta boluntarioek posible egiten dute. Egitasmo horren helburua da mugikortasun arazoak dituzten adinekoen eta adimen-desgaitasuna duten helduen gizarteratze eta osasun hobetzea ostegunero herrian barrena ibilaldiak burutuz. Ikasleen parte-hartzearekin belaunaldien arteko lotura eta harremantzea ere sustatu nahi da. Modu honetara ibilaldi hauek ez dira soilik osasun fisikoan oinarritzen, aitzitik, adin, izaera eta kondizio ezberdineko pertsonen topagunea ere bada, eta zentzu horretan, partehartzaileentzat garapen eta [...]

Hiruhilabeteari hasiera elkarrekin eman diogu HHko etapa guztiek. Baserria gaia aitzaki harturik maila bakoitzean baserriko arlo bat landuko dugu, hala nola baserriko animaliak, lan tresnak, baratza... Honetarako goizeko 09:00etarako kalejiran eman diogu hasiera gure plazatxoan.

Urte luzeetako ikastolen borrokari esker, Ipar Euskal Herriko ikasleek Brebeta (DBH3n egiten den froga) euskaraz izatea lortu da. Baina gaur egun oraindik Baxoko frogak (Frantziako selektibitatea) osoki frantsesez egin behar dituzte gure ikasleek, nahiz eta ikasketa guztiak euskaraz egin! Azterketa guztiak euskaraz izan daitezen lortu behar dugu. Orain, Baxoa Euskaraz! Ikastolei esker, geroz eta gehiago dira euskaraz ikasten duten ikasleak. Baina aldi berean, askoz gehiago dira Frantziatik Ipar Euskal Herrira bizitzera heldu diren frantses aberatsak, euskara eta euskal kulturarekiko inolako sentikortasunik ez dutenak. Benetako hizkuntza politika ausarta behar du euskarak Ipar Euskal Herrian. Apirilaren 22an Frantziako Gobernuari, Akitania, Pirinio [...]

4. mailako ikasleek uraren inguruko proiektua amaitzeko uraren kutsaduraren inguruko muralak erakutsi dizkiete 2. mailako ikasleei. Ondoren, herrian zehar ibili dira parkeetan, kaleetan eta txoko ezberdinetan aurkitutako hondakinak biltzen eta, gainera, birziklatzen. Ikastolako txikitxoei gure planeta zaintzearen garrantzia erakusteaz gain, gure herri maitea pixka bat garbiago egoteko saiakera aparta egin dute. Bejondeizuela!

Oporren atarian kultur astean murgildurik HHn ere musikari tartea eskaini diote, tradizio-abesti eta gaur egungoak abestuz eta dantzatuz primerako giroan pasa dute goiza!!!

Proiektuari amaiera emateko gela museo bilakatu dute 3 urtekoek. Aurreko astean HHko ikasle, irakasle eta familiei ere gonbidapena luzatu zieten eurak egindako artelanak erakustera joateko. Pozez eta ilusioz jaso dituzte bisita ugariak!!! Mila esker proiektuan modu batera edo bestera parte hartu duzuten guztiei!!! Plazer bat izan da elkarlanean Artea lantzea!!!

Atzo 2.mailakoak Villa Eugeniara joan ziren musikan ikasitako abestiak bertako haurrei eskaintzera. Zeinen ongi pasa zuten gure txikiek ikuskizuna ikusten eta parte hartzen!!!!