kudeatzailea

"Nire diploma, nire askabidea" bikaintasun sariak – Jakintza Ikastolako ordezkaritza Donostian Aurten ere, Jatorkin Al-Nahda magrebiarren integraziorako elkarteak antolatutako "Nire diploma, nire askabidea" lemadun bikaintasun sariak banatu dira Donostiako udal batzar aretoan. Ekimen honen bidez, Magreb jatorriko gazteen esfortzua eta lorpen akademikoak aitortu eta ospatzen dira. Jakintza Ikastolako presentzia bertan ere nabarmena izan da: Nora eta Salma Boussalem ahizpek euren ikasketa ibilbide eredugarriaren aitortzan saria jaso dute. Harro gaude zuekin bidea partekatu izanaz. Zorionak bihotzez!

BELAUNALDI DESBERDINEN ARTEKO SOLASALDIA   Jakintzako belaunaldi arteko literatur solasaldia arrakastatsua izan da beste behin ere. Ekitaldi honetan, Batxilergoko lehen mailako eta DBHko laugarren mailako ikasleek euren ideiak eta hausnarketak partekatu dituzte La trenza (Laetitia Colombani) liburuaren inguruan. Emakumezko protagonistak ardatz hartuta, haien bizitzak eta borrokak bitarteko, feminismoaren gaiak jorratzen dituen eta genero-berdintasuna zein emakumeen eskubideak irmoki defendatzen dituen eleberri hunkigarrria da.   Liburuaren egiturak –une batean batzen diren hiru narrazio paraleloz osatua– irakurleak hausnarketara gonbidatzen ditu. Zuhaizti eta Kimetz Ordiziako elkarteen parte-hartzeak balio berezia ematen dio ekimenari; belaunaldi desberdinen arteko literatur solasaldiak esperientzia eta ikuspegi anitzak uztartzen baititu, elkarren arteko [...]